- Масҷиди таърихии Қубо нахустин масҷиди ҷаҳони ислом, ки дар шаҳри Паёмбари Акрам (с) воқеъ аст, мавриди бозсозӣ қарор мегирад. Ба иттилои "Iqna", баррасиҳои ниҳойии тарҳи бозсозии ин масҷид дар ҳоли ҳозир аз сӯи ҳукумати Арабистон дар Мадинаи Мунаввара дар ҳоли анҷомёбист. Ин тарҳ шомили афзудани саҳнҳо ва истгоҳҳои сарпӯшида аст ва харҷи умумии бозсозии он 100 миллион риёли саудӣ баршумурда шудааст.

Масҷиди Қубо нахустин масҷиди ҷаҳони ислом аст, ки дар соли аввали ҳиҷрӣ тавассути Паёмбари ислом Муҳаммад(с) ва ба пешниҳоди Аммори Ёсир бино шуд. Қубо номи деҳае дар наздикии Мадина мебошад. Масҷиди мазкур нахустин маротиба дар замони халифаи сеюм ва охирин бор дар соли 1405 ҳиҷрии қамарӣ бозсозӣ шудааст.