- Як гурӯҳи исломгаро (муҷоҳидин - TI)дар Ҷумҳурии Қирғизистон бо номи "Кумитаи муқовимати мусалмонон", алайҳи низомиёни амрикоӣ дар пойгоҳи ҳавоии «Манас», ҷиҳод эълом кардааст. Дар ин хусус хабаргузории «Сентралазия» хабар додаст. Ба навиштаи ин хабаргузорӣ, ки баёнияи ин гурӯҳро мунташир кардааст, «Кумитаи муқовимати мусалмонон»- и Қирғизистон хостори ихроҷи фаврии низомиёни амрикоӣ аз пойгоҳи ҳавоии Манас шудааст. «Табдили фурудгоҳи Манас ба анбори силоҳ ва муҳимоти ҷангии ИМА, куштори мардуми мусалмон дар Афғонистон ва Ироқ, таҳдидҳои ҳуҷум ба Эрону Сурия ва муносибати ғайриинсонии низомиёни амрикоӣ дар пойгоҳи Багроми Афғонистон бо Қуръони карим, аз ҷумлаи мавориде будаанд, ки заминаи ҷиҳод алайҳи низомиёни амрикоӣ дар Қирғизистонро фароҳам сохтаанд», омадааст дар баёнияи ин гурӯҳ, навиштааст хабаргузории «Сентралазия».

Ин ҳама дар ҳоле мебошад, ки рӯзе қабл Алмосбек Отамбоев, президенти ҷумҳурии Қирғизистон, зимни як мусоҳибааш гуфтааст, ки иҷозат нахоҳад дод, ки пойгоҳи ҳавоии Қирғизистон, барои ҳамла ба Эрон истифода шавад. Гуфтан бамаврид аст, ки фурудгоҳи Манаси ҷумҳурии Қирғизистон, дар асоси шартномае барои бурдани амалиёти низомӣ дар Афғонистон, ба ихтиёри ИМА вогузор шуда буд ва муҳлати истифодаи он дар соли 2014, ба итмом мерасад.