- Дар Афғонистон як сарбози афғон 2 сарбози амрикоиро ба қатл расонд.
Ба гузориши хабаргузории Форс дар Кобул, дар идомаи эътирозҳо ва
тазоҳуроти мардуми Афғонистон, як низомии афғон дар пойгоҳи низомиёни
амрикоӣ дар вилояти Қандаҳор 2 тан аз ин низомиёнро мавриди ҳадаф қарор
дод. Муҳаммад Ҳасан, фармондеҳи минтақаи Хугиёнии вилояти Қандаҳор дар
гуфтугӯ бо расонаҳо изҳор дошт, ки ин сарбози афғон 2 тан аз низомиёни
амрикоиро бо бомба таркондааст. Хабар дода мешавад, вилояти Хугиёнии
Қандаҳор дар чанд рӯзи гузашта шоҳиди тазоҳуроти густардаи мардумӣ буд.
Гуфта
мешавад, дар даҳ вилояти Афғонистон тазоҳурот алайҳи Қуръонсӯзӣ ба амал
омад, ки дар бархе вилоятҳо ин тазоҳурот ба хушунат кашида шуд ва 13
афғон кушта ва беш аз 20 тан захмӣ шуданд. Мақомоти Пентагон ва Кохи
Сафед бо ирсоли паёмҳои мухталифе аз ин амали низомиёни амрикоӣ изҳори
пушаймонӣ карда ва аз мардуми Афғонистон узрхоҳӣ намуданд, аммо афғонҳо
эътирозҳои худро ҳар рӯз густардатар мекунанд. Тайи 6 рӯзи эътирозҳо дар
Афғонистон ҳудуди 30 кас кушта шуд ва Ҳомид Карзай, президенти
Афғонистон ҳамаро ба оромӣ даъват намуд.
Сарвинози РУҲУЛЛОҲ
"TojNews"