Уламои Ҳирот дар Афғонистон дар вокуниш нисбат ба иҳонати
ишғолгарон ба Қуръон дар пойгоҳи Багром аз ҳукумати Кобул талаб карданд,
ки бо Амрико робитаро қатъ кунанд. Ин уламо ҳамчунон гуфтанд, ки агар
Қуръон бисӯзад, аҳкомаш боқӣ аст ва давлат бояд ба ин нукта таваҷҷӯҳ
кунад ва омилони ин ҷиноятро шиносоӣ ва ба мардуми афғонистон муаррифӣ
кунаду онҳоро муҷозот намояд.
Ба гузориши хабаргузории
"sunnionline”, дар тазоҳурот уламои Ҳирот, ки дар масҷиди Козаргоҳи
Ҳирот ҷамъ омада буданд, дар муносибат ва эҳтироми мусалмонҳо бо дигар
адён баён доштанд, ки то кунун ҳеҷ мусалмоне дида намешавад, ки ба китоб
ва муқаддасоти адёни осмонӣ беҳурматӣ карда бошад. Аз ин сабаб ҳаракати
низомиёни НАТО дар кишвар ҳеҷ гоҳ қобили бахшиш нест. Уламои Ҳирот
хитоб ба масъулини ҳукуматӣ мегӯянд, ки ба хотири эҳтиром ба Қуръон бо
низомиён ва умуман кишвари Амрико қатъи робита кунанд ва дар айни замон
омилини онҳоро муҷозот намоянд.
Ба гуфтаи манбаъ, мавлавӣ
Муҷибурраҳмон Ансорӣ, як тан аз уламои варзидаи ин шаҳр гуфтааст, ки
низомиёни аврупоӣ бидонанд, ки миллати афғон бо Қуръон бедор мешавад ва
бо Қуръон аз ин дунё хоҳад рафт. Ҳамзамон ӯ изҳор доштааст, ки бо паёми
"Мо бар ҳақ ҳастем” ва бо оташ задани Қуръон миллатро аз пайравии дини
ҳақ наметавонед баргардонед. Худованд ҳофизи Қуръон ва нигоҳбони он ҳаст
ва хоҳад буд.