САВОЛ: Қаромитиҳо киҳоянд?
Онон гуруҳу тоифае мебошанд аз тоифаҳои ташайъ, ки худро ҷонибдори аҳли байти Пайғамбар саллаллоҳу алайҳи ва саллам ва пайравони Муҳаммад ибни Исмоил ибни Ҷаъфари Содиқ иддиъо мекунанд.
Муассиси
ин мазҳаб Абдуллоҳ ибни Маймуни Қуддоҳ шинохта шудааст, ки дар соли 260
ҳиҷрӣ мазҳаби исмоилиҳоро дар ҷануби форс интишор додааст.
Дар соли 278 ҳиҷрӣ дар Куфаи Ироқ даъвати ин ҳаракатро Ҳамдон –Қурмута ибни Ашъас ошкоро оғоз намуд ва баноми вай пайравонаш ба қаромитаҳ маъруф шудаанд.
Маркази
даъваташон дар Баҳрайн қарор гирифта таҳти сарварии амири он Сулаймон
ибни Ҳасан ибни Баҳром, ки ба Абутоҳир маъруф мебошад давлати
қаромитиҳоро ташкил намуданд ва аксари манотиқи Ҷазираи Арабро дар зери
тасарруфи худ дароварданд. Он даврони қудратмандии ин тоифа ҳатто
ҳукумати Бағдод ба онон хироҷ медод. Дар соли 319
ҳиҷрӣ ба Макка ҳамла карда ҳоҷиёни бисёреро ба қатл расонидаанд, чоҳи
Зам-Замро пур карданд, дари хонаи Худоро канданд ва Ҳаҷарул-Асвадро
дуздида бо худ ба шаҳри Аҳсо бурданд, ки то соли 339 ҳиҷрӣ, яъне мудати
бист сол дар дасти онҳо боқӣ монда буд.
Дар соли 360 ҳиҷрӣ Димишқро ишғол намуданд ва барои ишғол кардани Миср бо фотимиҳо ҷангиданд, вале дар он ҷанг комёб нашуданд. Давлати қаромитиҳоро Асфари Тағлибӣ шикаст дода ва қудраташонро аз байн бурдааст.
Аз ҷумлаи муътақадоти фосиди ин тоифа умури зерин мебошанд: 1-Ҳеҷ
кас ҳақ надорад алоқаи ҷинсии бо ҳамсарашро бо дигарон манъ намояд.
2-Аҳкоми асосии ислом, амсоли фарз будани намозу рузаро лағв карданд.
3-Барпо
шудани қиёматро мункир мебошанд ва роҳати биҳишту азоби дузахро инкор
мекунанд. 4- Қуръонро нозилшуда намегўянд, балки илҳомшуда мепиндоранд.
5-Ҳама мардумро дар молу занон шарик медонанд, ки аз молу занони ҳамдигар метавонанд истифода намоянд.
6-Ҳазрати Алиро мавсуф ба донистани илми ғайб, мисли дигар бародарони шиъаи ҳаммазҳабашон муътақиданд.
www.firdavsi.com