Оё баробари риё ва тазвир монеъ ва сипаре вуҷуд дорад?
Дар сурати иртикоби онҳо каффораи онҳо чист?
Барои мамониъат аз ибтило ба бемории риё мебоист танҳо ризои Худовандро
мадди назар дошт. Дар баробари риёҳои кам ва маҳдуд метавон бо дуо ба даргоҳи
Худованд худро аз он ҳифз намуд. Паёмбар (с) фармуданд: "Ай мардум аз ширк бипарҳезед, ки он аз ҳаракати мўрчагон
низ пинҳонтар ва бе сару садотар аст?” Эшон фармуданд: "Бигўед Худоё аз ин ки чизеро огоҳона
шарик қарор диҳем ба Ту паноҳ мебарем ва аз ин ки чизеро ноогоҳона шарики Ту бигардонем аз Ту талаби афв ва бахшоиш дорем”. (ривояти имом Аҳмад).
Паёмбар (с) дар мавриди каффораи савганд ба ғайри Худо
фармуданд: "Ҳар кас ба
Лот ва Уззо савганд хурд бигўяд: Ло илоҳа иллаллоҳ”. (Бухорӣ ва
Муслим).
Ҳамчунин эшон дар бораи фоли бад задан ва бадюмн донистан фармудаанд: "Ҳар кас ба хотири фоли бад задан ва бадюмн донистан аз
коре, ки қасди анҷомашро дошта имтиноъ намояд, ширк варзидааст”. Эшон пурсиданд: дар ин сурат каффораи ин кор чист? Эшон фармуданд: "Бигўед:Худоё! Танҳо Ту сабаби хайр ва баракат ва танҳо Ту
метавонӣ бало ва мусибатеро бар мо нозил фармоӣ, ғайри Ту ҳеч Худои дигаре вуҷуд надорад”. (ривояти имом Аҳмад).