Оё дуруст аст ба касе бигўем ў шаҳид аст?
Ҳукм додан дар мавриди шаҳидии як инсон мисли ин аст, ки бигўем ў аҳли биҳишт
аст. Дар мазҳаби аҳли суннат ҳукм додан, дар мавриди аҳли биҳишт будан ё аҳли
дўзах будани як нафари хос ҷоиз нест, магар ин ки Паёмбар (с) худ дар бораи як
нафар хос чунин хабаре дода бошанд. Зеро ҳақоиқ пинҳон ва махфист ва ин ки
инсонҳо дар чӣ ҳолат ва ҳақиқате аз дунё мераванд, чизест, ки танҳо Худо онро
медонад ва танҳо Ўст, ки аз ниёт ва асрори даруни ҳар инсоне мутталеъ аст. Танҳо
коре, ки мо метавонем анҷом диҳем, он аст, ки барои фарди некўкор орзуи аҷр ва
подош намоем ва барои оқибати гуноҳкор таассуф хўрем.