![]( "Óâåëè÷èòü èçîáðàæåíèå")
МУҚАДДИМА
Алҳамду лиллоҳ, вас-салоту вас-салому ало расулиллоҳ.
Донистани
усули дин аз ҷумлаи воҷибтарин воҷибот ва муҳимтарин заруроти ҳар
мусулмон ба шумор меравад. Аз ин рӯ сеяки Қуръони карим ба ин мавзуъ
бахшида шудааст, ва яке аз бузуртарин эмомони аҳли суннат ва ҷамоат
ҳазрати Эмом Абуҳанифа рисолаи дар баёни усули дин навиштаашро ФИҚҲИ АКБАР, яъне бузургтарин илм номидааст.
Бинобар
аҳаммияти бузурги мавзӯъ лозим донистем, ки рисолаеро дар баёни усули
дин аз таълифоти эмомони маъруфи ислом; Эмом Абуҳанифа, Эмом Аҳмад,
Эмом Таҳовӣ, Эмом Абулҳасани Ашъарӣ ва дигарон тартиб бидиҳем ва
пешкаши хонандагон бигардонем.
Аз лутфу карами
Парвардигори оламиён умед дорем, ки ин рисоларо аз банда ҳамчун амали
холисонаи солеҳ бипазирад ва онро барои тартибдиҳанда, ба нашррасонанда
ва истифодабарандааш зариъа ва василаи комёбӣ дар дунё ва саъодатмандӣ
дар охират бигардонад.
Дар охир Худоро бигӯям сано,
Расули каримро дурӯду дуо.
Ба ёрони ҳамкори нашри китоб,
Худоё насиб кун биҳишти маоб!
