Китоб фарогири қиссаҳои пурҳикмат ва ибратомўз аз ҳаёти рўзмарраи
босаъодати халифаи панҷумини мусулмонон Амирулмўъминин Умар ибни
Абдулазиз (р) мебошад. Китоб барои доираи васеъи ҷавонон, донишҷўён ва
толибилмони мадориси динӣ, аҳли зиё ва оммаи мусулмонон тақдим мегардад.
Амирулмўъминин ва панҷумин халифаи рошид, Умар ибни Абдулазизи Умавӣ,
набераи Умар ибни Хаттоби Қурайшӣ мебошад. Ў ҳамчун имоми одил ва
халифаи фозил шуҳрат ёфта буд. Соли шастуяк дар Мадинаи Мунаввара ба
дунё омада дар ҳамонҷо дар оилаи дорову сарватманд нашъунамо ёфт.
