Додгоҳи ноҳияи Қубодиёни вилояти Хатлон Акмал Рашидов ва Иброҳим Қурбонов, ду сокини ин ноҳияро узви созмони ғайриқонунии Ҳаракати Исломии Ӯзбакистон шинохтааст.
Акмал Рашидов ба нӯҳ ва Иброҳим Қурбонов барои 8.5 сол равонаи зиндон шуданд.
Ин афрод сокинони ӯзбактабори ҷамоъати Янгиули ноҳияи Қубодиён будаанд, ва ба гуфтаи кормандони амниятӣ "аз хонаводаи ин ду афроди айбдор наворҳои таблиғотии Ҳаракати Исломии Узбакистон дарёфт шудааст”.
Толиб Ортиқов, як вакили мудофеъи додгоҳи ноҳияи Қўбодиён ба Би-би-сӣ гуфт, ин афрод ҷавонони тақрибан 25-26 сола буда, то ҳол аз марзи кишвар берун нарафтаанд.
bbc