|
|
ИМОМҲО ҶУБРОН ГИРИФТАНД
|
|
Оҷонсии иттилоотии Associated Press хабар медиҳад,
ки шаш нафар аз имомон, ки ширкати ҳавонавардии US Airways, парвози
онҳоро ба иллати гумонбарӣ барои рафторашон мутаваққиф сохта буд, ба
додгоҳ муроҷиат кардаанд. Даъвои рӯҳнониёни исломӣ дар додгоҳ мавриди
баррасӣ қарор гирифтааст ва воқеан ҳам ширкати ҳавонавардӣ пурра ба
гуноҳҳои худ иқрор шудаанд, аммо дар робита ба узрхоҳии онҳо чизе гуфта
намешавад. Ҳодисаи мазкур дар фурудгоҳи байналмилалии Минеаполис
рух дода буд. Рафтори гумонбаронаи имомон аз рӯи шикояти мусофирон
сурат гирифтааст. Теъдоде аз мусофирон гӯё ҳини бо овози баланд хондани
ояҳо аз Қуръони Маҷид нороҳат шудаанд ва гумон кардаанд, ки террористон
тайёраро ғасб намудаанд. Пулиси фурудгоҳ ва Хадамоти бехатарии федеролӣ
ва намояндагони ширкати ҳавонавардӣ шаш нафар аз имомро зуд дастгир
карда, ба ҳавзаи минтақавӣ бурдаанд. Дар
мурофиаи судӣ рӯҳониён аз болои намояндаи хадамоти амнияти федеролӣ,
ширкати ҳавонавардӣ ва ходими пулис пирӯз гаштанд. Дар сӯҳбат бо
хабарнигорон як тан аз имомон – Умар Шоҳин, имоми шаҳри Финикс ва раиси
федератсияи имомҳои Америкаи Шимолӣ изҳор дошта, ки мо ба мақсад
расидем. Гуфта мешавад ҳар шаш нафар ҳини бозгашт аз конфронси диние,
ки дар шаҳри Минеаполис баргузор гашта буд, дучори чунин рӯйдод
гаштаанд. Гуфта мешавад дар суд миёни ҷонибҳо созиш ба миён
омадааст ва аз мӯҳтавои созиш, ки он махфӣ аст, чизе гуфта намешавад,
аммо бино ба маълумоти ғайрирасмӣ имомҳо дар ҳаҷми маблағи калон
ҷуброни зарар ба даст оввардаанд. Як нафар аз коршинос дар масоили
динӣ ба хабарнигорон изҳор дошта, ки чунин амалкард пирӯзии ҳақ ба
ботил мебошад ва бори дигар он тарсу хатареро, ки болои мусалмонон аз
11 сентябр рӯи кор омад буд, бартараф месозад.
nahzat.tj
Маълумот
Шӯъба: Ҷаҳон
Гузоранда: tojikislom
Назарҳо: 591
Шарҳҳо: 0 ...
Вақти гузориш: 20:09 |
|
|
|
|
|
|
|
Онлайн всего: 1 Меҳмонҳо: 1 Пользователей: 0
| |
|
|