- Низомиёни амрикоии мустақар дар Афғонистон, пас аз куштори 17 ғайринизомии афғон, ҷасади 4 духтари 6 соларо оташ задаанд. Тавре хабаргузориҳои ин кишвар иттилоъ медиҳанд, нируҳои амрикоӣ ба хонаҳои аҳолии вилояти Қандаҳор ҳамла карда, ба рӯи ғайринизомиён оташ кушоданд, ки дар натиҷа 17 ғайринизомӣ кушта ва теъдоде дигар захмӣ шуданд.

Қаблан гуфта мешуд, як гурӯҳи сарбозони амрикоӣ чунин қатли оммро анҷом додаанд. Аммо сокинони маҳаллӣ гуфтаанд, неруҳои амрикоӣ пас аз анҷоми ин иқдом, 11 ҷасади ғайринизомиёни кушташуда, аз ҷумла ҷасади 4 духтари 6 соларо ҷамъоварӣ ва онҳоро оташ заданд.

Ҳомид Карзай, президенти Афғонистон низ ин хунрезиро маҳкум ва "иқдоми ғайриинсонӣ" ном бурдааст. Куштори ғайринизомиён дар Афғонистон яке аз мавзӯъҳои асосии ихтилофи байни Кобул ва Вошингтон шудааст.

Ин ҳодиса пас аз даргириҳои ахир дар чандин вилояти Афғонистон дар эътироз ба иқдоми сарбозони амрикоӣ дар мавриди оташ задании китоби Қуръони Карим дар вилояти Парвон шадидтар шуд. Зимнан дар ин даргириҳо беш аз 30 нафар аз ҷумла 6 сарбози амрикоӣ кушта ва ҳудуди 180 нафари дигар маҷрӯҳ шуданд. Аммо даҳшатафкании низомиёни амрикоӣ ҳамоно идома дорад.