САВОЛ:  Чигуна тоъату ибодати Аллоҳ таъоло сабаби ободии дунёи мо шуда метавонад?

Ақидаи тавҳид ва яктопарастӣ калиди тамоми некбахтиҳои инсон аст, ки агар онро дар ҳаёташ татбиқ намояд вайро аз хавфу тарси фақр, беморӣ, душман, фитнаи сарвату мол, бекасӣ ва дигар мушкилотҳои ҳаёт наҷот медиҳад. Аммо аз фақр натарсиданаш аз он ҷиҳат мебошад, ки каму зиёд шудани ризқро аз ҷониби Аллоҳ таъоло ва ба тақдири Ў таъоло медонад ва сабру шукр карданро дар чунин ҳолат аҷру савоб муътақид аст. Аз беморӣ натарсиданаш аз он ҷиҳат мебошад, ки имон дорад, то вақту соъати умраш тамом нашуда бошад ҳеҷ беморие сабаби марги вай шуда наметавонад ва умед мекунад, ки ин беморияш боиси омурзиши гуноҳонаш мешавад. Аммо аз душман натарсиданаш аз он ҷиҳат ҳаст, ки дар муқобили он ба шаҳодат расиданро шараф медонад ва сабаби ободии охираташ ақида дорад. Аммо аз фитнаи мол аз он ҷиҳат хавф надорад, ки онро аз зарурат бештар захира намекунад ва ончиро аз ҳоҷаташ зиёд аст ба фақирону муҳтоҷон медиҳад ва дар дунё худро маҳбуби фақирон ва дар охират мақбули Худои хеш мегардонад. Аммо аз танҳоӣ бекаси аз он ҷиҳат наметарсад, ки тарбияи фарзандро ибодат медонад ва бохешу табор дўстию алоқаро аҷру савоб иътиқод мекунад ва худро аз канори онҳо дур намесозад ва танҳову тор намекунад.

Ғайр аз ин итоъати подшоҳи мусулмон, хидмати падару модар, дифоъ аз хоку номус ва амволу ақида, риъояи ҳуқуқи бародари мусулмон, дузди накардан, дуруғ нагуфтан, фиреб надодан ва ғайраву ҳоказо умуреанд, ки воҷибу ибодатанд ва сабаби ободии мамлакат ва пешрафту тарақии ҷомеъа мебошанд.

САВОЛ:  Чаро касе надонад, ки барои чӣ Аллоҳ таъоло вайро офаридаанд, кофир мешавад?

Зеро матлаби асосии вуҷуди худро надониста ҳастияшро беҳикмату беҳуда иътиқод кардааст.

ХУЛОСАИ МАВЗУЪ

1-Аллоҳ таъоло ҳеҷ мавҷудеро беҳадафу беҳуда наофаридааст ва вуҷуди тамоми мавҷудот боҳикмату бомақсад мебошад.

2-Ҳикмату ҳадаф аз офаридани инсону ҷин тоъату ибодати Аллоҳ субҳонаҳу ва таъолост.

3-Ҳикмат аз фарз шудани тоъату ибодат бар инсон дастёфтан ва муваффақ шудани вай ба васила ва воситае мебошад, ки боиси ободии дунё ва охираташ мебошанд.

4-Касе аз барои чӣ махлуқ шуданашро надонад аз дин бегона мегардад.

 http://firdavsi.com