Дар китоби "Канизаки беназир ё маликаи ҳазорсавола" омадааст, ки Фақеҳ
гуфт: -Эй каниз, маро хабар деҳ, ки фоидаи намоз чист?
Канизак гуфт: - Намоз сабаби васли бандагон
аст бо Худои Таъоло ва намозро даҳ хислат аст: Дилро нуронӣ кунад,
рӯро равшан гардонад, Худоро хушнуд кунад, Шайтонро ба хашм оварад,
балоҳоро бигардонад, аз шарри душманон нигоҳ дорад, раҳматро зиёда
кунад ва ғазаби Худоро фурӯ шинонад, бандаро ба хоҷаи худ наздик
кунад, намозхонро аз корҳои зишт боз дорад. Намоз фарзи айн ва
сутуни дин аст.
Фақеҳ гуфт: -Аҳсант, эй каниз, маро хабар деҳ,
ки калиди намоз чист?
Канизак гуфт: -Таҳорат калиди намоз аст.
Фақеҳ гуфт - калиди таҳорат чист?
Гуфт: - бурдани номи Худост.
-Калиди бурдани номи Худо чист?
-Яқин аст.
-Калиди яқин чист?
-Таваккул
-Калиди таваккул чист?
-Умедворӣ
-Калиди умедворӣ чист?
-Фармонбардорӣ.
-Калиди фармонбардорӣ чист?
-Эътироф кардан ба ягонагии Худо