АҚИДАИ МО НИСБАТ БА ТАНОСУХ
Аллома Абдулазизи Фарҳорӣ мегўяд: "Таносух
интиқоли рўҳ аз як ҷисм ба ҷисми дигар аст. Аҳли Суннат ба ботил будани
ин ақида иттифоқ доранд, вале баъзе тоифаҳои гумроҳон онро ҳақ
мепиндоранд. (Ниброс)
ТАҲҚИҚ
САВОЛ: Таносух чиро мегўянд ва аҳли он киҳо мебошанд?
Маънои таносух хориҷ шудани рўҳ аз як бадан ва дохил шуданаш дар бадани
дигар мебошад. Аммо аҳли таносух номи тоифае мебошад, ки ақида доранд
як рўҳ то 184 ҳазор бадан интиқол меёбад. Муътақид мебошанд, ки руҳи
инсон ҳатто дар бадани ҳайвонот ва наботот мутобиқи аъмолаш интиқол
меёбад. Агар руҳи инсони нек бошад дар бадани инсон ва агар аз
бадкирдор бошад дар бадани ҳайвоноту наботот интиқол меёбад ва то пок
шуданаш чунин азоб мекашад. Онон интиқоли руҳро аз бадани инсон ба
инсони дигар насх, аз инсон ба ҳайвонро масх ва аз инсон ба ҳашароту
набототро расх гуфтаанд.
САВОЛ: Масдари
ин ақида аз куҷост?
Ин ақида дар юнонӣ қадим пайдо шудааст ва дар байни
баъзе тоифаҳои диёнати ҳиндуҳо интишор ёфтааст ва баъзе мазоҳиби
мунҳарифшуда аз ислом низ ба он гирифтор шудаанд.
Машҳуртарини
ин тоифаҳо мазҳаби қаромитиҳо мебошад ва аз ҷумлаи шахсиятҳои маъруфи
ин ақида Ибни Ҳобит, Ибни Нонус, Абумуслими Хуросонӣ ва табиби маъруф
Муҳаммад ибни Закариёи Розӣ мебошад, ки дар китобаш ба номи "Илми
Илоҳӣ" ақидаи худро ошкор кардааст.
www.firdavsi.com