Додгоҳи олии Тоҷикистон равияи мазҳабии «Салафия»-ро дар ин кишвар мамнӯъ эълон кард.

Сухангӯи додгоҳи оли Тоҷикистон Маҳмадалӣ Юсупов дар ин бора ба раидои Озодӣ гуфт, «тибқи қарори нави додгоҳи олӣ, аз 8-уми январи соли 2009 баҳри таъмини амнияти Тоҷикистон ва ҳимояи ҳуқуқу манфиатҳои қонунии шаҳрвандон, пешгирии ҳолатҳои барангехтани кинаву адоват, низоъи миллӣ, нажодӣ, динӣ ва паст задани шаъну эътибори миллӣ фаъолияти равияи динии «Салафия» ҳамчун ғайриқонунӣ амалкунанда эътироф карда шуда, амали ин равия дар қаламрави Ҷумҳурии Тоҷикистон манъ карда шуд».

Бар асоси қарори додгоҳи олӣ, нашру паҳнсозии адабиёт ва сабтҳои аудиоӣ ва видеоии марбут ба равияи «Салафия» низ манъ карда шудааст ва аз ин пас ашхоси ба ин кор роҳдода ба ҷавобгарии ҷиноӣ кашида хоҳанд шуд.

www.ozodi.org

Фаъолияти салафиҳо дар Тоҷикистон расман манъ шуд

Додгоҳи Олии Тоҷикистон имрӯз бар асоси дархости додситони кулл равияи мазҳабии Салафияро расман манъ кард. Муҳаммадалӣ Юсуфов, сухангӯи Додгоҳи Олӣ ба Радиои Озодӣ гуфт, фаъолияти ин равия ғайриқонунӣ дониста шуда, аз ин ба баъд ба кишвар ворид кардани сабту навор ва адабиёти мазҳабии марбут ба Салафия низ манъ аст. Оқои Юсуфов афзуд, онҳое, кибаъд аз ҳукми қонун гирифтани ҳукми Додгоҳи Олӣ ба ин ҳаракат ҳамкорӣ мекунан, ба масъулият кашида хоҳанд шуд. Салафия равияест, ки дар саҳнаи мазҳабии Тоҷикистон тоза зуҳур кардааст ва раҳбаронаш шумори пайравони худ дар ин кишварро то 20 000 нафар баровард мекарданд.