Исройил бо ҳамалоти ҳавоӣ ба партоби рокет тавассути Ҳамос посух додааст

Эҳуд Улмерт, нахуствазири Исройил, гуфтааст, кишвараш тамоюле ба идомаи ҳузури низомӣ дар Навори Ғазза надорад ва мехоҳад нерӯҳояшро дар сареътарин замони мумкин аз Ғазза хориҷ кунад.

Ҳамзамон, Исмоъил Ҳания, раҳбари гурӯҳи Ҳамос дар Ғазза, гуфтааст, ки Исройил дар Ғазза шикаст хӯрдааст.

Ҳамакнун, артиши Исройил дар ҳоли хориҷ кардани тадриҷии бахше аз нерӯҳояш аз Навори Ғазза аст.

Телевизиюни Исройил тасовири сарбозон ва воҳидҳои зиреҳии ин кишварро, ки дар ҳоли тарки Ғазза ҳастанд, пахш кардааст.

Исройил теъдод дақиқи нерӯҳое, ки дар ҳоли тарки Ғазза ҳастанд, эълом накардааст.

Эҳуд Улмерт рӯзи якшанб, 18 январ, соъоте пас аз он ки гурӯҳи фаластинии Ҳамос барои як ҳафта оташбас эълом кард, бар хуруҷ аз Ғазза таъкид кард.

Ӯ ҳамчунин бо раҳбарони Бритониё, Фаронса, Олмон ва Испониё дидор кардааст.

Эҳуд Улмерт пас аз дидор бо раҳбарони ин кишварҳои урупоӣ гуфт, ки Исройил қасди тасхир, кунтрул ва боқӣ мондан дар Ғаззаро надорад ва мехоҳад дар сареътарин замони мумкин аз он хориҷ шавад.

Гурдун Броун, нахуствазири Бритониё, ҳамзамон аз Исройил хостааст, ки гузаргоҳҳои Ғазаро боз кунад.

Никуло Соркузӣ, раиси ҷумҳури Фаронса, пештар дар Миср бар ҳаққи Исройил бар дифоъ аз худ таъкид кард, аммо дар айни ҳол хоҳони хуруҷи фаврии нерӯҳои исройилӣ аз Ғазза шуд.

Ҳусни Муборак, раиси ҷумҳури Миср, низ рӯзи якшанбе хоҳони поёни муҳосираи Ғазза тавассути Исройил шуд.

Исройил пас аз анҷоми як амалиёти низомии густарда дар Ғазза алайҳи Ҳамос ва дигар гурӯҳҳои фаластинӣ дар он, ба таври якҷониба оташбас эълом кардааст.

Нахуствазири Исройил мегӯяд, Исройил ба аҳдофаш дар Ғазза расида ва Ҳамосро шикаст додааст.

Исмоъил Ҳания, раҳбари Ҳамос дар Ғазза, рӯзи якшанбе амалиёти низомии сеҳафтаии Исройил дар Ғаззаро шикастхӯрда дониста, аммо мегӯяд пазириши оташбас аз сӯйи Ҳамос тасмиме оқилона ва масъулона будааст.

Шумори талафоти фаластиниҳо дар таҳоҷуми Исройил ба Навори Ғазза, 1300 нафар ва шумори кушташудагони исройилӣ дар асари партоби рокети пайкорҷӯёни Ҳамос, 13 нафар эълом шудааст.