- Таърихи 10-уми феврал, пеш аз адои намози ҷумъа сархатиби масҷиди Қазоқони шаҳри Душанбе Абдураҳим Назаров, маъруф ба домулло Абдураҳимро аз кор сабукдӯш намуданд. Ин хабарро ба TojNews як манбаи наздик ба ӯ таъйид кард.

Ба иттилои манбаъ сархатибро бо дастури "боло" барои ба вазифаи дигар гузаштанаш аз кор гирифтанд. Минбаъд имоматии масҷидро Кароматулло ном як шахс бар дӯш мегирад. Ҳатто рӯзи гузашта намози ҷумъаро дар масҷиди Қазоқони шаҳри Душанбе на домулло Абдураҳим балки худи Кароматулло гузаронидааст.

Ҳанӯз охирҳои моҳи соли гузашта баъд аз қазияи Тӯраҷонзодаҳо бо Абдулкодирзода дар ҷомеаи кишвар овозае паҳн гардид, ки бо ҷурми дар намози ҷумъа қироат накардани баёнияи Шӯрои уламои Тоҷикистон бар зидди Тӯраҷонзодаҳо ӯро аз ин вазифа сабук дӯш кардаанд.

Ҳамчунин, яке аз масъули масҷиди Қазоқони шаҳри Душанбе ба мо хабар дод, ки домулло Абдураҳим айни ҳол омодаги доранд то барои табобат ба яке шаҳрҳои Русия сафар кунанд.