Миралӣ
Достиев, муовини аввали вазири фарҳанги ҷумҳурӣ, дар нишасти матбуотӣ изҳор дошт,
ки тавассути «Корвони китоб» ба хазинаи китобхонаҳои ҷумҳурӣ 65664 нусха китоби бадеӣ ва 3996 нусха «Қуръони Карим» тақдим гардид.
Дар мавриди дин ва фаъолияти динӣ М. Достиев гуфт, ки то имрӯз дар
кишвар 118 масҷиди ҷомеъ, 670 масҷиди панҷвақта, 40 ташкилоти динии
ғайриисломиро ба қайд гирифтаанд ва ин маърака идома дорад. ӯ ҳамчунин
изҳор дошт, ки мушкилоти ба миёномада асосан аз таҳсили ғайрирасмии
шаҳрвандони ҷумҳурӣ дар макотиби динии мамолики хориҷӣ, воридшавии
теъдоди зиёди адабиёт ва маводи дорои мазмуни динӣ, бе мувофиқа
рафтуомади дутарафаи намояндагони ташкилотҳои динӣ иборат мебошад.
Имсол беш аз 5000 шаҳрванди Тоҷикистон ба ҳаҷ меравад.
Дар посух ба пурсишҳои хабарнигорон гуфта шуд, ки интиқоли 679 китоб,
84 ашёи фарҳангиро ба беруни кишвар пешгирӣ карданд. Ба ҷуз ин вазорат
36 ашёи фарҳангиро иҷозат надод, ки ба берун бароранд.
Абдулқодири РАҲИМ