Cherlie Hebdu, як маҷаллаи фаронсавӣ, ки рӯзи гузашта эълон карда буд,
қасд дорад, рӯзи чаҳоршанбе теъдоде аз карикатураҳои тавҳиномез нисбат
ба Паёмбари исломро дар сафаҳоти худ мунташир кунад, имрӯз даст ба ин
иқдом зад.
Мақомоти Фаронса қабл аз ин ба сардабири ин маҷалла Стефан Шарбонэ
ҳушдор дода буданд, ки бо назардошти паёмадҳои он аз интишори
карикатураҳои тавҳиномез нисбати Паёмбари ислом аз ин иқдоми пешгирифтаи
худ даст бикашад, вале сардабири ин маҷалла дар посух ба мақомоти
кишвараш гуфт, ки интишори ин карикатураҳо дар доираи озодии баён сурат
мегирад.
Ин маҷаллаи фаронсавӣ соли гузашта низ бо як иқдоми таҳқиромезаш нисбат
ба ҳазрати Муҳаммад(с) чандин карикатураҳои тавҳиномезеро дар сафаҳоти
худ чоп карда буд ва он вокунишҳои зиёдеро дар Аврупо ва Ховари Миёна ба
бор овард.
Гуфта мешавад, Фаронса бузургтарин кишвари мусалмоннишин дар қораи
Аврупо аст, ки дар он беш аз 5 миллион мусалмон зиндагӣ мекунанд ва
шумори исломгароҳо низ дар ҳоли афзоиш аст.
tojnews