- Бархе
аз рӯҳониён мегӯянд, ки болои онҳо ҳамлаҳои сунъӣ сурат мегирад.
Домулло Ҳикмат яке шахсиятҳои шинохт дар Душанбе мегӯяд, раисони
ҷамоатҳо ва бахши танзими расму оинҳо ҳӯшдор доданд, ки дар маъракаҳои
худ огоҳона домуллоҳоро даъват кунанд.
Ба гуфти ин
шахси рӯҳонӣ, ҳафтае пеш ба маъркае даъват шуда будааст, аммо баъдан
маъракадор узр хоста, омадани ӯро ба меҳмонӣ рад кардааст. «Нафари
маъракадоштаро ҳӯшдор доданд, ки аз домуллоҳои маҳалии худатон истифада
кунед, ё агар ягон доммуллои фазилаташ баландтарро даъват кардед, ба ӯ
фурсати сӯҳбат кардан бо мардумро надиҳед», мегӯяд ҳамсӯҳбати мо.
Иддаи дигар аз домулоҳо ғайрирасмӣ ҳам ҷой доштани ин ҳамлаҳои сунъиро дар сӯҳбат бо TojNews,
тасдиқ карданд. Ба гуфти онҳо ҳатто дар ҷаноза имомати онҳоро манъ
кардаанд. Ё агар имоматиро ба ӯҳда гиранд, набояд ки аз 5 дақиқа зиёд
сӯҳбат кунанд.
Манъи ташабусҳои фардӣ ё ба
истилоҳ контроли хостаҳои эътиқодии мардум, мухолиф ба қавонини кишвар
аст, аммо он чӣ, ки ҳоло ҷамоатҳо ва мақомоти поёнии иҷроияи ҳокимияти
давлатӣ дар нисбати домуллоҳои маъруф пеш гирифтаанд, маълум нест, ки аз
куҷо сарчашма мегирад?
Як раиси ҷамаоат дар посух
ба ин «ҳамлаи сунъӣ» болои домуллоҳо ба Тоҷнюс гуфт, ки «мо аз пеши
худамон кор намекунем, ҳарчӣ супориш шуд, ҳамонро мекунем».
Дар
ҳамин ҳол дар Кумитаи корҳои дини назди ҳукумат дар мавриди чунин як
ташаббус изҳори беиттилоӣ карда, гуфтанд онҳо ҳеҷ дастуре ба мақомоти
поёнӣ надодаанд. Ҳатто шаҳрвандони шаҳри Ваҳдат мегӯянд, ки раиси шаҳри
Ваҳдат Анвари Вайсиддин дар ҷараёни таблиғи Паёми президент, бахши
дуввуми барномаи вохӯрии худро ба муносибати мардум бо домуллоҳо
бахшидааст.
Зимнан, қонунгузориҳои кишвар дахолат
ба масоили эътиқодӣ ва фардиро манъ кардааст, аммо чаро домуллоҳо ва
мардум барои ҳимояи ҳуқуқҳои фардии худ талош намекунанд, посух
мехоҳад.
Ҳарамгули Қодир
"TojNews"